Një ngjarje e dhunshme ndodhi më 5 dhjetor në Arnad, veriperëndim të Italisë, ku një burrë shqiptar 40-vjeçar u plagos gjatë një përleshjeje me banorët pas një tentative për vjedhje. Ai dyshohet se u sulmua me një objekt të mprehtë, mund të ketë qenë një kazmë, duke pësuar një frakturë në legen dhe plagë në pjesën e poshtme të barkut.
Karabinierët reaguan menjëherë duke arrestuar shqiptarin dhe duke sekuestruar sendet e vjedhura, që përfshinin 500 euro cash, bizhuteri dhe një çantë, me një vlerë totale rreth 5,000 euro. Një bashkëpunëtor i tij arriti të arratisej në një zonë pyjore. Hetuesit zbuluan se hajdutët kishin hapur me forcë një derë me rrjetë për të hyrë në shtëpi, ndërsa kishte pasur një tjetër tentative vjedhjeje në qytet disa kohë përpara.
I arrestuari tani ndodhet në Spitalin Parini dhe pritet të qëndrojë aty deri në përmirësimin e gjendjes së tij, që do të mundësonte transferimin në paraburgim. Hetimet nga Karabinierët e Châtillon/Saint-Vincent vazhdojnë për të identifikuar personat që sulmuan hajdutët.
