Policia e Tiranës ka zbuluar një magazinë të madhe me fishekzjarrë, pas një serie kontrollesh intensive. Gjatë 40 inspektimeve në kuadër të një plani masash për të ndaluar shitjen e paligjshme të lëndëve piroteknike, strukturat e DVP-së kanë identifikuar një garazh në rrugën “Besim Fagu”, ku ishin të ruajtura qindra koli me fishekzjarrë destinim shitje.
Në momentin e ndërhyrjes, është kapur dhe arrestuar pronari i magazinës, shtetasi I. K., 24 vjeç, duke e bllokuar aktivitetin e paligjshëm. Gjatë kontrollit nga shërbimet e Komisariatit të Policisë Nr. 4, janë gjetur dhe sekuestruar qindra koli me mijëra fishekzjarrë të ndryshme në modele dhe madhësi.
Materialet e ndihmës procedurale janë dërguar për shqyrtim në Prokurori, ku pritet të merren masa të mëtejshme. Policia gjithashtu ka bërë një apel për qytetarët, duke theksuar se përdorimi i lëndëve piroteknike në mënyrë të paligjshme do të ndëshkohet sipas ligjit. Kontrolllet për të luftuar këtë fenomen do të vazhdojnë pa ndërprerje, duke u angazhuar për sigurinë e qytetarëve dhe respektimin e ligjit.
