Shqipëria ka një mundësi për t’u kualifikuar në Kupën e Botës 2026 nëse arrin të kalojë dy ndeshje play-off në mars. Në rast suksesi, Shqipëria do të përballet në Grupin F me Holandën, Japoninë dhe Tunizinë. Historiku i ndeshjeve me Holandën është i disfavorizuar, pasi kuqezinjtë kanë humbur të katër takimet e deritanishme, përfshirë dy për kualifikueset e Botërorit dhe dy për ato europiane.
Ceremonia e hedhjes së shortit u drejtuar nga presidenti i FIFA-s, Gianni Infantino, i cili theksoi rëndësinë e Kupës së Botës 2026 si ngjarjen më të madhe sportive, duke përfshirë tri vende organizatore, 48 ekipe dhe miliona tifozë në stadiume dhe përpara TV-ve.
Gjithashtu, Infantino ndau çmimin “Paqja e FIFA-s” me presidentin e SHBA-së, Donald Trump, i cili e cilësoi këtë trofe si një nga vlerësimet më të mëdha të jetës së tij, duke thënë se bota është më e sigurt tani. Nëse Kosova arrin të kualifikohet, ajo do të luajë në Grupin D së bashku me SHBA-në, Australinë dhe Paraguain.
Grupi I përfshin Francën, Senegalin, Norvegjinë dhe fituesin e play-off-it interkontinental. Brazilin e pret një grup i vështirë, me Marokun, Skocinë dhe Haitin. Kampionët aktualë, Argjentina, janë vendosur në Grupin J me Algjerinë, Austrinë dhe Jordaninë. Gjermania do të përballet me Ekuadorin, Bregun e Fildishtë dhe Kurasao, ndërsa Spanja me Uruguain, Arabinë Saudite dhe Kepin e Gjelbër. Anglia është vendosur në grupin e fundit me Kroacinë, Panamanë dhe Gana.
Më poshtë janë grupet përkatëse të formuara në ceremoni:
- Grupi A: Meksikë, Kore e Jugut, Afrika e Jugut, Europë Play off D
- Grupi B: Kanada, Zvicër, Katari, Europë Play off A
- Grupi C: Brazil, Marok, Skoci, Haiti
- Grupi D: SHBA, Australi, Paraguai, Europë Play off C
- Grupi E: Gjermani, Ekuador, Breg i Fildishtë, Kurasao
- Grupi F: Holandë, Japoninë, Tunizi, Europë Play off B
- Grupi G: Belgjikë, Iran, Egjipt, Zelandë e Re
- Grupi H: Spanjë, Uruguai, Arabia Saudite, Kepi i Gjelbër
- Grupi I: Francë, Senegal, Norvegji, Play off-i Interkontinental B
- Grupi J: Argjentinë, Austrinë, Algjerinë, Jordaninë
- Grupi K: Portugali, Kolumbi, Uzbekistan, Play off-i Interkontinental A
- Grupi L: Angli, Kroaci, Panama, Gana.
