Të gjitha sytë janë nga Uashingtoni, ku pritet të hidhet shorti final për Botërorin 2026, që do të zhvillohet me 48 skuadra. Për herë të parë, do të ketë 12 grupe me nga 4 ekipe. Deri tani, 42 skuadra kanë siguruar biletën, ndërsa 6 të tjera, përfshirë Kombëtaren shqiptare dhe Kosovën, do të garojnë në fazën e play off-it për të plotësuar vendet e mbetura.
Shorti do të ndjekë një procedurë të ngjashme me ato të mëparshme, duke nisur me skuadrat nga vaza e parë, ku janë vendet pritëse: Meksika, Kanadaja dhe SHBA. Skuadrat e tjera do të ndahen në grupe me qëllimin e ruajtjes së ekuilibrit, sipas renditjes botërore. Spanja dhe Argjentina do të kenë rrugëtime paralele, i njëjti princip vlen edhe për Francën dhe Anglinë.
Për skuadrat e vazove 2, 3 dhe 4, pozitat në grupe do të përcaktohen sipas një skeme të qartë. Nëse Shqipëria dhe Kosova arrijnë të kualifikohen, do të jenë në vazon e katërt, e cila përfshin gjithashtu ekipe si Jordania, Kepi i Gjelbër dhe Gana, si dhe fituesit e dy play off-eve evropiane dhe disa skuadra të tjera ndërkombëtare.
Ceremonia do të fillojë me një performancë të Andrea Bocellit, ndërsa momenti kryesor do të jetë dhënia e “Çmimit të Paqes FIFA” nga presidenti i SHBA-së, Donald Trump. Pas tij, Robie Williams dhe Nicole Scherzinger do të performojnë, dhe më pas presidenti i FIFA-s, Gianni Infantino, do të mbajë një fjalim.
Vazot e ekipit për Botërorin janë organizuar si më poshtë:
Vazo 1: SHBA, Meksikë, Kanada, Spanjë, Argjentinë, Francë, Angli, Brazil, Portugali, Holandë, Belgjikë, Gjermani.
Vazo 2: Kroaci, Marok, Kolumbi, Uruguai, Zvicër, Japonia, Senegal, Iran, Kore e Jugut, Ekuador, Austri, Australi.
Vazo 3: Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrikë e Jugut.
Vazo 4: Jordani, Kepi i Gjelbër, Gana, Kurasao, Haiti, Zelandë e Re, Play off Europë A, Play off Europë B, Play off Europë C, Play off Europë D, Play off Interkontinental A dhe B.
Kështu, pritet një event emocionues dhe përgatitjet janë në kulmin e tyre.
