Të gjithë sytë janë nga Uashingtoni, ku pritet të hidhet shorti final i Botërorit 2026. Ky kampionat do të përfaqësojë një risi, pasi do të përfshijë 48 skuadra, ndërsa për herë të parë do të ketë 12 grupe me nga 4 ekipe secili. Prej 48 skuadrave, 42 kanë siguruar biletën për në Botëror, ndërsa 6 të tjera, përfshirë Kombëtaren shqiptare dhe Kosovën, do të konkurrojnë në fazën e play off-it.
Shorti do të organizohet si zakonisht, me skuadrat e vazos së parë që janë të përcaktuara. Vendet pritëse, si Meksika, Kanadaja dhe SHBA, e dinë në cilin grup do të jenë (Grupi A për Meksikën, Grupi B për Kanadanë dhe Grupi D për SHBA-në). Skuadrat e tjera do të ndahen sipas renditjes dhe nga një skemë e përcaktuar, me qëllim që të sigurohet një balans më i mirë dhe që skuadrat më të forta të mos përballen para finales.
Nëse Shqipëria dhe Kosova kualifikohen, ato do të përfshihen në vazon e katërt, përkrah skuadrave si Jordania, Kepi i Gjelbër, Gana dhe të tjerë. Vazo e katërt gjithashtu do të përmbajë fituesit e katër play off-ëve evropiane dhe dy play off-eve ndërkontinentale.
Ceremonia e shortit do të nisë në orën 18:00 dhe do të hapet me një performancë nga artisti Andrea Bocelli.
Vazot e skuadrave janë si më poshtë:
Vazo 1: SHBA, Meksikë, Kanada, Spanjë, Argjentinë, Francë, Angli, Brazil, Portugali, Holandë, Belgjikë, Gjermani.
Vazo 2: Kroaci, Marok, Kolumbi, Uruguai, Zvicër, Japoni, Senegal, Iran, Kore e Jugut, Ekuador, Austri, Australi.
Vazo 3: Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrikë e Jugut.
Vazo 4: Jordani, Kepi i Gjelbër, Gana, Kurasao, Haiti, Zelandë e Re, së bashku me fituesit e play off-ëve nga Europa dhe dy play off-et ndërkontinentale.
Shqipëria dhe Kosova shpresojnë të arrijnë në këtë nivel të lartë competicioni dhe të bëhen pjesë e këtij eventi të madh sportiv.
