TIRANA– Ish-deputeti i Partisë Demokratike, Ervin Salianji, ka shpjeguar vizionin e tij politik për ta rikthyer opozitën në ofensivë dhe për të sfiduar qeverinë. Në një intervistë në emisionin “Opinion”, ai tha se takimi i zhvilluar në Durrës me rreth 500 anëtarë të strukturave të PD-së tregoi se në bazë ekziston dëshira për ta parë partinë të zgjuar dhe të rilindur politikisht.
Salianji theksoi se në këtë takim morën pjesë drejtuesit lokalë të PD-së, përfaqësues të primareve dhe figura të njohura si Ilir Alimehmeti, Ndrec Pjetri, Aulon Kalaja dhe Hysen Kadiu, duke e konsideruar mbledhjen si një sinjal se demokratët kërkojnë një qasje më aktive dhe më të fortë ndaj qeverisë.
Salianji nënvizoi se vepron pa interesa personale dhe se motivimi i tij është të ndihmojë PD-në të rikthehet si forcë e fortë politike.
Ervin Salianji: Ishin 500 njerëz dje në takim. Dje në Durrës ishte struktura e PD. Ishte kryetari i degës, 2 nënkryetarët, sekretarin e degës, më të votuarit e primareve. Ishte Ilir Alimehmeti, Ndrec Pjetri, Aulon Kalaja, Hysen Kadiu.
Shkova për të zgjuar dhe për të ripërtërirë PD-në. S’mund të presim të vijnë zgjedhjet e tjera, të qajmë prap, unë dua të mund Edi Ramën. Anëtarësia e PD kërkon revoltë, ne bëjmë foltore. Anëtarësia kërkon analizë, ne themi zgjedhjet janë vjedhur…
Nuk dua funksion në PD. Kam një lloj kontributi në PD, opozitë bëj se dua, nuk paguhem, as kam interes personal, personale e ktheu Edi Rama se më dënoi për politikë.
