Ish-sulmuesi i Romës, Seydou Doumbia, është rikthyer në qendër të vëmendjes së mediave ruse për një incident të pazakontë në lidhje me moshën e tij. Gjatë një testi me detektor gënjeshtrash, futbollisti nga Bregu i Fildishtë u ballafaqua me dyshime mbi moshën që shënohet në dokumentet e tij zyrtare.
Raportet mediatike sugjerojnë se Doumbia tha se “nuk është më i vjetër se 40 vjeç”, por përgjigjja e tij u quajt e pavërtetë nga detektori. Kur u pyet sërish për moshën 43-vjeçare, ai e mohoi këtë gjithashtu, por detektori vazhdoi të mos konfirmonte të vërtetat e përgjigjeve të tij.
Sipas testeve, moshë e vërtetë e Doumbias rezulton të jetë rreth pesë vjet më e madhe se ajo që ai ka deklaruar. Ky incident ka shkaktuar diskutime të shumta në mediat sportive në Rusi, megjithatë, futbollisti nuk ka reaguar publikisht në lidhje me këtë ngjarje.
