Nga Andi Lila
Turneu “Rreth Flamurit” hap rrugën drejt zhvillimit ndërkombëtar të talenteve të rinj
Tirana po afirmohet si një destinacion i ri i futbollit të moshave me organizime që mund të krahasohen me qytetet më të njohura europiane si Milano, Roma, Parisi, Londra, Budapesti apo Zagrebi. Turneu “Rreth Flamurit”, i organizuar nga Triumph Football Academy, ishte një hap i madh në këtë drejtim.
Një eksperiencë e jashtëzakonshme për futbollistët e rinj
Ky turne nuk ishte thjesht një garë futbolli, por një platformë zhvillimi për qindra fëmijë dhe të rinj. Përmes ndeshjeve të forta dhe standardeve të larta të organizimit, lojtarët e vegjël përjetuan një eksperiencë unike:
• Mësuan disiplinën dhe vetëbesimin
• Përforcuan bashkëpunimin dhe frymën e skuadrës
• U njohën me stile të ndryshme loje nga akademitë europiane
Një shembull i shkëlqyer ishte pjesëmarrja e ekipit anglez Watford, i cili fitoi kupën, por që gjithashtu solli një eksperiencë të pasur për të gjithë pjesëmarrësit, jo vetëm në aspektin sportiv, por edhe në aspektin organizativ dhe disiplinor. Prania e tyre e bëri turneun më profesional dhe u shërbeu futbollistëve të rinj si model frymëzimi.
FSHF po sjell turne të jashtëzakonshëm
Federata Shqiptare e Futbollit po punon intensivisht për të sjellë në Shqipëri evente të nivelit të lartë, si Europiani U-17 dhe Europiani U-21, duke e vendosur vendin në hartën e ngjarjeve ndërkombëtare të futbollit dhe duke rritur nivelin e lojës për të rinjtë shqiptarë. Triumph Football Academy falënderon FSHF-në për mbështetjen dhe bashkëpunimin e çmuar, që bëri të mundur organizimin e këtij eventi me standarde europiane.
Turizmi sportiv: një prioritet kombëtar
Turneu Triumph tregon qartë se turizmi sportiv duhet të kthehet në prioritet, me vëmendje maksimale nga institucionet vendore dhe qendrore. Përveç zhvillimit të futbollistëve, këto evente promovojnë Shqipërinë dhe kryeqytetin si destinacione të rëndësishme sportive.
Perspektiva europiane për Tiranën
Triumph Football Academy punon që Tirana të jetë çdo vit një pikë takimi për talentet e futbollit europian. Turneu Triumph do të sjellë në Shqipëri akademitë më prestigjioze në botë, duke e kthyer këtë aktivitet në një destinacion kryesor për futbollin e moshave dhe turizmin sportiv.
Ky është vetëm fillimi i një rrugë të gjatë drejt profesionalizmit dhe zhvillimit të futbollit shqiptar. Triumph po ndërton ura të reja për të ardhmen e sportit në vend.
Si thotë Pep Guardiola:
“Turnetë ndërkombëtarë nuk janë vetëm garë; ato janë një mundësi për fëmijët të mësojnë, të rriten dhe të kuptojnë se futbolli është më shumë se një lojë ,është një shkollë jete.”
