Rreth 18 milion lekë të reja nga Bashkimi Europian janë investuar në ndërtimin e tregut artizanal në lagjen Manalat të Gjirokastrës. Megjithatë, ndonëse projekti u inaugurua një vit më parë, tregu nuk ka funksionuar asnjë ditë dhe ka mbetur i braktisur, me asnjë aktivitet tregtar dhe godina jashtë përdorimit.
Banorët dhe artizanët e zonës shprehin shqetësim për mungesën e përfshirjes në konsultimet publike, duke theksuar se zëri i tyre nuk është marrë parasysh. Ata paralajmëruan se vendndodhja e tregut nuk ishte e përshtatshme, pasi zona përpara ndërtimit kishte shërbyer si një hapësirë sociale për fëmijët dhe të moshuarit.
Situata e tregut po përkeqësohet çdo ditë. Uji po hyn nga të katër anët e godinës, duke shkaktuar lagështi dhe dëmtime, çka rrezikon degradimin të plotë të investimit. Nga një projekt i menduar për të sjellë jetë në zonë, tregu artizanal në Manalat është bërë simbol i një investimi të pa planifikuar dhe të shkëputur nga nevojat reale të komunitetit.
Kjo situatë ka ngjallur shqetësim për efektivitetin e politikave të zhvillimit dhe menaxhimit të fondeve të dhëna nga Bashkimi Europian, duke theksuar nevojën për strategji më të mira që e dëgjojnë zërin e komunitetit.
