Dy të rinj janë arrestuar në Tiranë për shpërndarjen e heroinës dhe kokainës në lagje të qytetit. Shërbimet e Forcës së Posaçme “Shqiponja” ndaluan një automjet tip “BMW” në rrugën “Mine Peza”. Drejtuesi i mjetit, K. P., bashkë me pasagjerin H. S., u kontrolluan nga autoritetet.
Gjatë kontrollit fizik, K. P. u kap me doza heroinë dhe kokainë, ndërsa H. S. kishte në posedim vetëm doza kokainë. Pas përfundimit të procedurave, të dy personat u vunë në pranga për veprën penale “Prodhimi dhe shitja e narkotikëve”.
Materialet lidhur me këtë rast iu dorëzuan Prokurorisë së Tiranës për të vazhduar me procedurat e mëtejshme.
