Lefter Maliqi është paraqitur sot në Prokurorinë e Posaçme, ku sipas tij ka depozituar një kallëzim të ri lidhur me një procedurë tenderimi në Bashkinë Kuçovë.
Në prononcimin për mediat pas daljes nga SPAK, ai deklaroi se bëhet fjalë për një kontratë rreth 1 milion euro për rikonstruksionin e një shkolle, të cilën e cilësoi të parregullt dhe të lidhur me interesa politike.
Maliqi: Kallëzimi i sotëm ka të bëjë me 1 mln euro tender për rikonstruksionin e një shkolle në Kuçovë, ku as një e dhjeta e nxënësve nuk janë në shkollë, klasat janë bosh. Tenderin e ka marrë nipi i Sadri Abazit, lidhje të qarta politike që ndodhin në Shqipëri. U bënë 2 vite e gjysmë që vijojnë kalvarin me drejtësinë shqiptare.
Ku ka SPAK mbi dhe nën tokë për kallëzimin e parë që kam bërë për 4 mln euro pa leje mjedisi. 2 km asfalt mbi asfalt pa procedurë tenderimi në kohë fushate. U kam thënë nuk keni fuqi të merreni as me Salillarin as me Hajdarin, se Hajdari merr me vete dhe Salillarin.
