Në një hap me rëndësi historike dhe strategjike, Presidenti i SHBA-së, Donald Trump, nënshkroi sot Urdhërin Ekzekutiv për iniciativën “Misioni Genesis”, e cila drejtohet nga Departamenti i Energjisë (DOE) dhe synon të shfrytëzojë avancimet në Intelligjencën Artificiale (AI) dhe teknologjitë kompjuterike për të ngritur nivelin e kërkimit shkencor dhe inovacionit në Shtetet e Bashkuara.
Misioni synon të dyfishojë produktivitetin e shkencës dhe inxhinierisë amerikane brenda një dekade, me potencial për përparime në energji, siguri kombëtare dhe kërkime themelore. Sekretari i Energjisë, Chris Wright, e krahasoi këtë iniciativë me projekte historike si Projekti Manhattan dhe programi Hapësinor Apollo. Ai theksoi se “Misioni Genesis çliron fuqinë e Laboratorëve Kombëtarë dhe superkompjuterëve për të siguruar lidershipin global të Amerikës në AI”.
Kjo iniciativë vjen pas përpjekjeve të mëparshme të administratës Trump për të konsoliduar pozitat e SHBA-së në AI, duke përfshirë Urdhrin Ekzekutiv për heqjen e barrierave për lidershipin amerikan në këtë fushë. Misionin e drejton Nënsekretari i Shkencës, Darío Gil, dhe përfshin 17 Laboratorët Kombëtarë të DOE-së, sektorin privat dhe qendrat akademike.
Qëllimi është të krijohet një platformë kërkimore që do të lidhi superkompjuterët më të fuqishëm, sistemet e avancuara të AI-së dhe teknologjitë kuantike. Një ekip prej 40,000 shkencëtarësh dhe inxhinierësh do të mbështesë këtë Infrastrukturë shkencore të përparuar.
Misioni Genesis përqendrohet në tri akse strategjike: dominimi i energjisë duke shfrytëzuar mjetet e përparuara të AI-së, forcimi i kërkimit shkencor bazë me investime në teknologjinë kuantike, dhe mbështetje për sigurinë kombëtare, përfshirë zhvillimin e sistemit të avancuar të AI-së për mbrojtje.
Gil e përshkroi Misionin Genesis si një moment përcaktues për epokën e ardhshme të shkencës amerikane, duke shpallur se do të lejojë zgjidhjen e problemeve deri tani të pamundura. Brandon Williams, Administrator i NNSA-së, theksoi se ky mision do të forcojë teknologjinë mbrojtëse të SHBA-së. Misioni Genesis shpreson të nisë një epokë të re të lidershipit shkencor amerikan, ku AI dhe teknologjitë e reja do të rimarrin kontrollin në skenën globale.
