Ish-talenti i Chelsea-t, Yann Gueho, ndodhet në gjendje të rëndë shëndetësore pas një sulmi me thikë të ndodhur më 9-10 nëntor në Choisy-le-Roi, pranë Parisit. 31-vjeçari, i cili ishte në shoqërinë e një miku gjatë incidentit, pësoi lëndime serioze që kërkuan transportimin e menjëhershëm në spital, ku aktualisht është nën kujdes intensiv.
Prokuroria e Créteil ka njoftuar se një burrë dhe një grua janë vënë nën akuzë për tentativa vrasjeje dhe dhunë në grup. Hetimet për rastin kanë filluar më 12 nëntor. Gueho, i cili ka shërbyer në akademinë e Chelsea-t nga 2009 deri në 2011, më pas kaloi në Lille dhe Nantes, por nuk arriti të debutonte në nivel profesionist dhe u tërhoq nga futbolli në vitin 2016.
Familja e tij ka bërë të ditur se ai po merr një terapi të rëndë mjekësore, që e ka dobësuar fizikisht. Nënë e tij, Anne-Marie, ka shprehur shqetësimin e saj duke thënë se kalojnë ditë shumë të vështira dhe se ata besojnë në drejtësi për të zbardhur këtë tragjedi.
Gueho ka qenë i njohur si një nga talentet më premtuese në futbollin francez. Valentin Rogier, ish-kapiten i Marseille, kishte thënë se ai ishte “lojtarin më të jashtëzakonshëm” që kishte parë në moshën e tij të re, ndërsa Damien Dussaut kishte vlerësuar potencialin e tij si më të madhin se ai i disa prej yjeve aktualë të futbollit francez.
Aktualisht, gjendja shëndetësore e Gueho-s mbetet e rëndë, ndërsa autoritetet po vazhdojnë hetimet për zbardhjen e rrethanave të sulmit.
