Paniku ka përfshirë Rumaninë, pas shkeljes së hapësirës ajrore nga dy dronë, që solli ngritjen e menjëhershme të avionëve luftarakë. Shkelja u konstatua pranë kufirit me Ukrainën, në një kohë kur ky vend po përballet me agresionin rus. Dy avionë F-16 dhe dy Eurofighter nga misioni i policisë ajrore gjermane në Rumani u aktivizuan për të monitoruar situatën. Kjo është hera e dytë në një muaj që avionët bombardues ngrihen në ajër për një incidente të tillë, pasi një dron kishte fluturuar në hapësirën ajrore rumune më 13 shtator gjatë një sulmi rus mbi infrastrukturën ukrainase.
Ndërkohë, rritja e shkeljeve të hapësirës ajrore nga dronët rusë është një fenomen i dukshëm në vendet evropiane të NATO-s. Kryetarja e Komisionit Europian, Ursula Von der Leyen, e ka quajtur këtë situatë një “luftë hibride”. Këto shkelje nuk janë të izoluara: Belgjika, Gjermania, Republika Çeke, Spanja, Norvegjia dhe Danimarka gjithashtu kanë raportuar ndodhi të ngjashme.
Përveç Rumanisë, rreth 20 dronë rusë hynë në hapësirën ajrore të Polonisë më 9 shtator, ndërsa më 19 shtator, tre aeroplanë ushtarakë rusë shkelën për 12 minuta hapësirën ajrore të Estonisë, para se të shoqëroheshin nga avionë italianë. Lituania raportoi më 23 tetor se dy avionë luftarakë rusë gjithashtu ishin identifikuar në hapësirën e saj ajrore.
Situata në rajon tregon një tendencë në rritje të shkeljeve të sigurisë ajrore, duke vendosur në alarm vendet e NATO-s. Kjo krijon një kontekst të tensionuar në rapportet mes shteteve anëtare dhe fqinjëve të tyre, duke shtuar frikën dhe pasigurinë mbi integritetin territorial dhe sigurinë kombëtare.
