Forcat e policisë dhe RENEA kanë rrethuar një banesë në fshatin Orosh, Fushë Arrëz, që prej orëve të para të mëngjesit. Brenda saj dyshohen se ndodhen Juljan Cumrraku dhe Arben Uka, që konsiderohen persona të kërkuar. Cumrraku është identifikuar si i lidhur me grupe terroriste, ndërsa Uka njihet si Hamza Uka. Të dy kanë qenë më parë në Siri, sipas informacioneve nga gazetari Klodian Zhivani.
Aksioni filloi pasi policia e Pukës i identifikoi ata, dhe më pas u mobilizua edhe RENEA. Policia ka bërë thirrje për dorëzim, por deri tani të dy ata nuk janë dorëzuar. Në përpjekje për të rritur presionin, policia ka marrë në pyetje vëllanë e Cumrraku, në përpjekje për ta bindur të dorëzohet.
Raportohet se personat brenda banesës janë të armatosur rëndë, çka e komplikon më tej situatën dhe ndërhyrjen e policisë. Aksioni vazhdon, ndërsa autoritetet po monitorojnë situatën me kujdes.
