Në Shqipëri, përveç virusit të gripit, po qarkullon gjithashtu virusi respirator sinsicial (RSV), i cili shkakton simptoma të rënda respiratorë te të porsalindurit, veçanërisht në moshën 0-6 muajsh dhe deri në dy vjeç. Megjithëse virusi prek të gjitha moshat, pasojat janë më të rënda për të vegjlit.
Mjekët sugjerojnë se bebet duhet të vaksinohen kundër RSV, ndonëse vaksina nuk është e përfshirë në kalendarin e detyrueshëm të vaksinimit në vend. Ekspertët kanë kërkuar që vaksinimi të bëhet i aksesueshëm edhe në Shqipëri për të parandaluar infeksionet e rënda.
Me uljen e temperaturave, pediatrit paralajmërojnë se mund të rritet numri i rasteve të infeksioneve nga RSV. Prandaj, iu bëhet thirrje nënave të jenë të kujdesshme dhe të monitorojnë simptomat e fëmijëve edhe kur ata preken nga viroza të lehta. Kjo është një masë e rëndësishme për mbrojtjen e shëndetit të të vegjlit në këtë periudhë të vitit.
Mjekët insistojnë për rëndësinë e këtij vaksinimi, duke vënë në dukje nevojën për strategji të reja në imunizimin e popullsisë më të re.
