Ministrja e Infrastrukturës, Belinda Balluku jo vetëm paracakton fituesit e tenderave publikë, po në jo pak raste vendos edhe për procedurat e madje edhe se kush do të marrë kurrë tendera. Nga të dhënat e siguruara nga SPAK të nxjerra nga aplikacionet e komunikimit “WhatsApp” dhe “Signal Private Messenger”, dalin në dritë shkëmbime mes zëvendëskryeministres Belinda Balluku dhe ish-drejtorit të ARRSH-së, Evis Berberi, lidhur me firma konsulence që ofrojnë shërbime projektimi dhe supervizimi.
Në dosje penale të hetuar nga SPAK thuhet se Belinda Balluku i përcjell Berberit një mesazh me tekstin “Civil Cons”, dhe menjëherë më pas saktëson: “Ka dhe një firmë konsulence për projektim supervizim. Janë supervizor tek Porto Romano.”
Berberi konfirmon njohjen e firmës: “Po janë te Porto Romano.” Balluku shton: “Këtë e ka Lefter Geshtenja, deputet i Librazhdit i PD.” Më pas i thotë që “mos ta shohë të marr tjetër punë në Republikën e Shqipërisë.”
