The Weeknd ka arritur një tjetër nivel në karrierën e tij, me turneun global që i është shtuar një bilanc prej mbi 1 miliard dollarësh. Kjo shifër e jashtëzakonshme e vendos artistin si të parin në rangun e artistëve mashkull solo në botë, pas një sërë arritjesh të tjera.
Deri tani, turneu i tij ka shitur mbi 7.5 milionë bileta për 153 koncerte, përfshirë edhe shërbime që do të zhvillohen në vitin 2026 në vendet si Meksika, Brazili dhe disa qytete të Evropës. Kjo e pozicionon The Weeknd në një kategori të veçantë brenda industrisë muzikore.
Në vitin 2023, Guinness World Records e shpalli atë “Artistin më të popullarizuar në botë”. Superhiti i tij “Blinding Lights” ka arritur gjithashtu të certifikohet Diamond nga RIAA dhe është shpallur kënga Nr. 1 e të gjitha kohërave në Billboard Hot 100, duke e kaluar klasikën “The Twist” nga Chubby Checker. Megjithatë, vetëm dy emra e kanë tejkaluar këtë arritje: Coldplay me turneun “Music of the Spheres” prej 1.5 miliard dollarësh dhe Taylor Swift, e cila me “Eras Tour” ka arritur një shifër prej 2 miliardësh.
Pjesë e kësaj suksesi është edhe angazhimi humanitar i The Weeknd, i cili do të dhurojë mbi 8.5 milion dollarë për XO Humanitarian Fund dhe Global Citizen. Të ardhurat e turneut të vitit 2026 do të vazhdojnë të mbështesin World Food Program nëpërmjet Global Citizen. Po ashtu, fansat e artisit do të kenë mundësinë të fitojnë bileta falas për çdo koncert, nëpërmjet inisiativës së Global Citizen.
Turneu i ri do të startojë më 20 prill në Mexico City dhe do të vazhdojë në qytete të tjera si Rio de Janeiro, Sao Paulo, Paris, Amsterdam, Milano, Londër, Madrid dhe shumë më tepër. Me këtë pozicion dhe angazhime, The Weeknd po tregon se është një figura e rëndësishme në muzikën moderne, duke e kombinuar suksesin artistik me mbështetje humanitare.
