Reshjet e dendura të fundit kanë shkaktuar dëme të rënda në argjinaturën e lumit Bistrica, veçanërisht në zonën e Çukës, duke sjellë përmbytjen e qindra hektarëve tokë bujqësore. Uji ka dalë nga shtrati, duke pushtuar tokat përreth dhe shkaktuar probleme serioze për fermerët që punojnë në këtë rajon.
Situata është përkeqësuar gjithashtu në Konispol dhe Shalës, ku përmbytjet kanë krijuar vështirësi në lëvizje dhe kanë rrezikuar banesat afër zoneve të ekspozuara. Rreth gjashtë fshatra të njësisë administrative Markat në Sarandë kanë mbetur të izoluara si pasojë e reshjeve intensive. Rrugët hyrëse janë bllokuar nga prurjet e mëdha dhe rrëshqitjet e dheut, duke penguar qarkullimin e banorëve dhe mjeteve.
Dëmet janë evidente dhe situata vazhdon të jetë alarmante për banorët e këtyre zonave, të cilët ballafaqohen me pasiguri dhe pengesa të konsiderueshme në përpjekjet e tyre për të rifituar normalitetin. Autoritetet lokale janë të angazhuara për të vlerësuar situatën dhe për të ofruar ndihmën e nevojshme për ata që janë prekur nga këto përmbytje.
