Dhjetëra fshatra në Qarkun e Gjirokastrës po përballen me mungesë energjie elektrike, për shkak të problemeve të shkaktuara nga moti. Situata është agravuar nga anomali në sistemin e shpërndarjes, sidomos në zonat malore. Sipas burimeve nga OSHEE, këto kushte meteo kanë shkaktuar dëme në fiderët që lidhin fshatrat me rrjetin energjetik.
Qyteti i Gjirokastrës gjithashtu nuk ka mbetur pa prekje, pasi në orët e mbrëmjes për disa lagje ka pasur mungesë energjie. Disa zona, si njësitë administrative të Lopësit dhe Kurveleshit në Tepelenë, si dhe Krahësit, Luftinjës dhe Qesaratit në Memaliaj, janë pa energji elektrike për më shumë se 12 orë. Të tjerë fshatra si Zagoria, Picarit, Lazarati, Dropulli dhe Lunxheria në Gjirokastër po ashtu përballen me të njëjtën situatë.
Grupet e OSHEE janë angazhuar në terren për të riparuar dëmet e shkaktuara nga shkarkesat atmosferike në sistemin e energjisë. Ndërkohë, reshjet e dendura të shiut kanë bllokuar rrugën Antigone për shkak të rrëshqitjes së dheut, por situata është normalizuar shpejt. Aktualisht po punohet për zhbllokimin e rrugës në Lazarat, ku një përroi ka dalë mbi rrugë, duke bllokuar lagjen Lënxatë.
Një kasolle në lagjen Zinxhira ka pësuar dëme, por nuk ka rrezik për banesat përreth. Mungesa e energjisë elektrike dhe problemet e tjera që kanë shkaktuar kushtet e motit vazhdojnë të shqetësojnë banorët e këtyre zonave, duke i detyruar autoritetet të reagojnë me urgjencë për zgjidhjen e situatës.
