Territori i qarkut Kukës është i përfshirë nga reshje shiu me intensitet të ulët deri në mesatar. Këto reshje kanë sjellë rënësi gurësh, inerteve dhe vërshime uji në rrugët nacionale, të cilat vazhdojnë të jenë nën trysni. Megjithatë, të gjitha akset rrugore nacionale janë të qarkullueshme për momentin.
Nga bashkitë Kukës dhe Tropojë, nuk ka raportime për situata emergjente. Ndërsa në bashkinë Has, gjatë natës është raportuar dëmtimi i një ure që lidh fshatin Dobrunë me fshatin Bardhosh. Po ashtu, ka probleme me furnizimin me energji elektrike në tri njësi të ndryshme të kësaj zone.
Situata vijon të monitorohet nga autoritetet lokale për të siguruar që çdo problematikë të jetë e menaxhueshme.
