Po zhvillohet në GJKKO seanca e radhës gjyqësore ndaj Plarent Dervishajt dhe Julian Meçajt, të cilët akuzohen për atentatin ndaj ish-prokurorit Arjan Ndoj, ku mbeti i vrarë shoferi Andi Maloku.
Në sallën e gjyqit është paraqitur Luan Mata babai i shumë kërkuarit Ervin Mata. Ndaj hotelit të Matën ka shpërthyer nje tritol në vitin 2020.
“Në vitin 2020, kam operuar një biznes privat. Kam hotel Viktoria dhe Viktoria Construksion. Nuk kam pasur probleme me njerëzit. Në vitin 2020, ka pasur një incident, kam qenë benda në hotel. I gjithë hoteli është me kamera. Kam dy fëmijë. Nuk kam idenë se kush ma ka vendosur tritolin.”, ka thënë ai.
Në proces ka dëshmuar edhe Julian Pjetri, i dënuar me 4 vite e 4 muaj burg për atentatin ndaj Arjan Ndoj.
Julian Pjetri: “Nuk dua të jap shpjegime, përfitoj nga kjo e drejtë që më jep ligji.
Dëshmitar u paraqit po ashtu Genti Ndërjaku, edhe ky person i dënuar me 5.4 vite burg nga GJKKO si pjesë e grupit për sulmin me armë zjarri ndaj ish-prokurorit.
Genti Ndërjaku: “Nuk dua të përgjigjem, dua të përfitoj nga kjo e drejtë”.
Në proces u paraqit edhe Ramazan Rraja, nipi i ish-deputetit Rrahman Rraja. Ai dyshohet si pjesë e grupit të Plaurent Dervishajt, që nga GJKKO-ja u dënua me 6 vite burg.
Ramazan Rraja: “Dëshiroj të dëshmoj, por sot nuk është avokati im. Do paraqitem herës tjetër me avokat”.
Pjesë e dëshmisë ishte Amar Shkëmbi, i ekstraduar së fundmi nga Dubai.
Amar Shkëmbi: “Dua të përfitoj nga e drejta për të mos u pyetur”.
