Në Romë u realizua sot takimi i parë mes qeverive italiane dhe shqiptare, ku u firmosën 16 marrëveshje bashkëpunimi. Ministrja për Europën, Elisa Spiropali, shprehu kënaqësinë e saj në rrjetet sociale, duke u pozicionuar pranë Zëvendës Kryeministrit dhe Ministrit të Jashtëm italian, Antonio Tajani.
Spiropali theksoi rëndësinë e bashkëpunimit të thelluar mes dy vendeve në të gjitha format ndërkombëtare, ku Italia dhe Shqipëria janë partnerë strategjikë. Ajo përmendi Korridorin VIII, i cilësuar si një prioritet strategjik për ndërlidhjen, tregtinë dhe sigurinë në kontinent.
Ministrja falënderoi Tajani për angazhimin e tij në avancimin e projekteve dhe mbështetje të vazhdueshme për rrugëtimin europian të Shqipërisë. Takimi është një hap i rëndësishëm për përforcimin e marrëdhënieve mes dy vendeve dhe thellimin e bashkëpunimit në fusha të ndryshme.
