Një studim i fundit ka treguar se ata që flasin me veten e tyre me zë kanë më shumë mundësi të arrijnë sukses, në krahasim me ata që nuk e praktikojnë këtë zakon. Profesori i psikologjisë në Universitetin e Wisconsin, Gary Lupyan, shpjegon se të folurit me veten ndihmon në organizimin e mendimeve, përqendrimin dhe qartësinë mendore, veçanërisht në situata të ngarkuara.
Lupyan thekson se kjo formë e komunikimit ndihmon të strukturojë idetë, të kuptojë prioritetet dhe të bëjë vendime më të qarta. Ai argumenton se ky zakon, që shpesh konsiderohet si i çuditshëm, përfundimisht është një mjet efektiv për menaxhimin e stresit dhe për ruajtjen e fokusit në momente pasigurie.
Ekspertët gjithashtu theksojnë rëndësinë e të folurit pozitiv me veten. Inkurajimi i vetes me fjalë të mira ka një ndikim të fortë në motivim dhe vetëbesim, duke gjeneruar një efekt të ngjashëm me marrëjen e një fjalimi motivues nga jashtë. Psikologët e quajnë këtë një “pep talk” personal, duke theksuar se ndihmon në përballimin e sfidave dhe në arritjen e qëllimeve personale dhe profesionale.
Ky zakon mund të jetë veçanërisht i dobishëm për ata që ndihen të lodhur, të pasigurt apo të vetmuar. Duke folur me veten, individët mund të gjejnë mbështetje dhe motivim brenda vetes, duke u ndihmuar për të kapërcyer pengesat dhe për të ecur përpara në rrugën e suksesit. Kjo praktikë krijon mundësi për reflektim dhe ndihmon në krijimin e një komunikimi më të mirë me veten, që synon si përmirësimin e shëndetit mendor ashtu edhe arritjen e rezultateve pozitive në jetë.
Pra, herën tjetër që ndiheni të ngarkuar, provoni të flisni me veten. Mund të jetë çelësi për të arritur qëllimet tuaja.
