Netflix ka bërë të ditur se në muajin nëntor do të ketë ndryshime të rëndësishme në katalogun e saj, duke hequr disa tituj të njohur që kanë qenë të preferuar nga abonentët. Kjo ka shkaktuar një reagim të fortë në rrjetet sociale, ku shumë fansa kanë shprehur zhgënjimin e tyre për largimin e filmave klasikë.
Nga 1 nëntori, një sërë filmash të njohur do të zhduken nga platformë. Mes më të njohurve janë filmat e animuar “Shrek”, “Shrek 2”, “Shrek the Third” dhe “Shrek Forever After”, si dhe seritë “Despicable Me”. Po ashtu, do të largohen tituj si “Willy Wonka & the Chocolate Factory” me Gene Wilder dhe “Charlie and the Chocolate Factory” me Johnny Depp. Filmat nga ekskluziviteti “Fast & Furious”, përfshirë “2 Fast 2 Furious” dhe “Hobbs & Shaw”, gjithashtu do të hiqen, si dhe komeditë “Ferris Bueller’s Day Off” dhe “Horrible Bosses”.
Reagimet në rrjete sociale ishin të shumta. Përdoruesit shprehën zhgënjimin e tyre, duke e quajtur largimin e “Shrek” një “krim kulturor” dhe duke e përshkruar si humbje të një pjese të fëmijërisë së tyre.
Sidoqoftë, Netflix ka lidhur këtë vendim me një strategji për të sjellë përmbajtje të re. Në vend të titujve të larguar, shërbimi streaming do të ofrojë disa filma të shumëpritur, përfshirë trilogjitë “Back to the Future” dhe “The Hangover”, si dhe filma si “Charlie’s Angels” (2000) dhe “Crazy Rich Asians” (2018).
Një nga ngjarjet më të rëndësishme të muajit do të jetë lansimi i sezonit të pestë dhe të fundit të serialit “Stranger Things”. Pjesa e parë do të publikohet më 26 nëntor, ndërsa pjesa e dytë pritet të dalë për Krishtlindje, me finalen që do të transmetohet në Natën e Vitit të Ri.
Pavarësisht zhgënjimeve për largimin e titujve të njohur, Netflix premton që nëntori do të jetë një muaj i mbushur me surpriza dhe rikthime të reja.
