Një 17-vjeçar është kapur nga policia pas një tentativi për vrasje ndodhur shtatë muaj më parë. Incidenti u regjistrua më 11 prill 2025 në Lezhë dhe ishte rezultat i një konflikti për motive të dobëta, ku ishin të përfshirë gjithsej gjashtë persona.
Pas hetimeve të kryera nga shërbimet e Drejtorisë Vendore të Policisë Lezhë, u arrit të lokalizohej dhe të ndalohej A.M., një adoleshent banues në Lezhë. Ai është në kërkim për veprat penale “Vrasja me dashje” mbetur në tentativë dhe “Drejtim i mjetit në mënyrë të parregullt”. Hetimet zbuluan se 17-vjeçari kishte drejtuar automjetin pa leje drejtimi dhe kishte goditur me qëllim shtetasin F. Gj., 34 vjeç.
Policia ka vijuar kërkimet për të kapur edhe shtetasit e tjerë të shpallur në kërkim lidhur me këtë ngjarje. Materialet procedurale janë dërguar në Prokurorinë e Lezhës për veprime të mëtejshme.
