Ministrja për Europën dhe Punët e Jashtme, Elisa Spiropali, zhvilloi sot një takim me të rinjtë që janë pjesë e Programit Kombëtar të Praktikave të Punës në Ministrinë e Punëve të Jashtme. Në këtë takim, ajo theksoi rëndësinë e një diplomacie që të jetë më e hapur ndaj talenteve të reja, duke e konsideruar këtë si një nga prioritete kryesore të mandatit për Shqipërinë Europiane.
Spiropali njoftoi se shumë shpejt do të prezantohet një ligj i ri për shërbimin e jashtëm në Kuvendin e Shqipërisë, i cili do të krijojë më shumë hapësira dhe mundësi për t’i dhënë një kontribut më të madh diplomacisë shqiptare nga ana e të rinjve me potencial të lartë. Ajo theksoi se ky ligj do t’i mundësojë rinisë, e cila ka vokacionin për t’i shërbyer vendit, që të angazhohet më aktivisht në këtë fushë.
Në postimin e saj në Facebook pas takimit, Spiropali shprehu kënaqësinë për bashkëbisedimin me të rinjtë, të cilët, sipas saj, janë ndihmës të vyer për Ministrinë dhe për forcimin e diplomacisë shqiptare. Ajo e vlerësoi këtë takim si një mundësi për t’i inkurajuar ata që të kontribuojnë në forcimin e lidhjeve ndërkombëtare dhe në avancimin e integrimit të Shqipërisë në Europë.
Kjo inisiativë reflekton angazhimin e qeverisë për të inkurajuar pjesëmarrjen e të rinjve në proceset vendimmarrëse dhe krijimi i mundësive të reja për ta, duke e ruajtur kështu një marrëdhënie dinamike me brezat e rinj. Spiropali shpreson se ligji i ri do të kontribuojë në rritjen e kapaciteteve dhe kualifikimeve të rinisë shqiptare në diplomaci, duke sjellë një frymë të re dhe inovative në shërbimin e jashtëm.
