Pas vendimit të Gjykatës Kushtetuese që mbështeti qëndrimin e Erion Veliajt në krye të Bashkisë së Tiranës, shumë figura të njohura publike shprehën mbështetje për të. Veliaj reagoi për herë të parë në Instagram, duke ndarë kënaqësinë për vendimin e Gjykatës.
Në komentet e postimit të tij, figura të njohura, si reperi Noizy, aktori Ermal Mamaqi dhe aktorja Ariola Demiri, treguan mbështetje të fortë. Noizy, përmes një komentari të thjeshtë shkroi “Let’s goooo”, ndërsa Ermal Mamaqi reagoi me emoji të zemrës, duke shprehur entuziazmin e tij. Ariola Demiri, ish-banorja e “Big Brother Albania VIP 1”, e cila gjithashtu i dha mbështetje Veliajt, e quajti atë “Lali” dhe e shoqëroi mesazhin me disa emoji.
Ky suport nga figura publike vjen pas një periudhe tensioni dhe debatet rreth legjitimitetit të qëndrimit të Veliajt në postin që mban. Vendimi në fjalë ka rritur sigurinë e tij politike në kryeqytet, duke e forcuar më tej pozitat e tij si kryebashkiak.
Mbështetje të tilla nga emra të njohur të showbiz-it janë të rëndësishme për të forcuar imazhin e Veliajt, që e ka ndjerë të nevojshme të reagojë në një kohë kur opinioni publik ka qenë i ndarë rreth tij.
