Policia e Tiranës ka ndërmarrë një operacion për të goditur shfrytëzimin e prostitucionit, duke arrestuar një shtetase kineze dhe duke proceduar dy të tjera për përfshirje në këtë veprimtari të paligjshme. Në kuadër të këtij aksioni, është vënë në pranga F. Z., një 47-vjeçare, e cila akuzohet për “Shfrytëzimin e prostitucionit”. Po ashtu, D. W. (44 vjeçe) dhe L. C. (46 vjeçe) janë nën hetim për “Prostitucionin” dhe “Mbajtjen e ambienteve për prostitucion”.
Shtetasja F. Z. kishte shfrytëzuar dy shtetaset e tjera kineze, të cilat ushtronin prostitucion në apartamentin e tyre. Hetimet për këtë rast vijojnë, me qëllim identifikimin e personave të tjerë të përfshirë. Materialet janë dorëzuar në Prokurorinë e Tiranës për procedura të mëtejshme.
