Shtetasi Enrik Çela është arrestuar në Lushnjë pasi u kap duke lëvizur i armatosur. Policia e Lushnjës informoi se 33-vjeçari u ndalua në lagjen “Loni Dhamo”, ku iu gjet një armë zjarri pistoletë automatike, e cila u sekuestrova së bashku me një krehër me 11 fishekë.
Ky arrestim vjen si rezultat i operacionit policor të koduar “Operacionalja 72”. Shërbimet e Drejtorisë së Forcës së Posaçme Operacionale kishin marrë informacione për lëvizjen e një individi të armatosur në Lushnjë, çka çoi në lokalizimin dhe ndalimin e Çelës. Gjatë kontrollit të tij, u gjet arma dhe municioni, të cilat u regjistruan si prova materiale.
Pas përfundimit të veprimeve procedurale, specialistët për Hetimin e Krimeve në Komisariatin e Policisë Lushnjë e arrestuan në flagrancë Çelën për veprën penale “Prodhimi dhe mbajtja pa leje e armëve dhe municionit luftarak”. Materialet e çështjes janë dërguar për procedura të mëtejshme në Prokurorinë e Fierit.
