Komisioni Qendror i Zgjedhjeve (KQZ) ka publikuar raportin për shpenzimet e Partisë Socialiste (PS) dhe Partisë Demokratike (PD) për zgjedhjet e 11 majit.
Sipas raportit, Partia Socialiste ka shpenzuar gjithsej 169,574,703 lekë, ndërsa shpenzimet indirekte-dhurimet arrijnë në 9,889,608 lekë. Të ardhurat totale të PS-së përfshijnë 65,291,390 lekë nga fondet publike dhe 10,989,608 lekë nga individë, duke e çuar totalin e të ardhurave në 180,021,311 lekë. PS nuk ka marrë huamarrje apo kredi.
Nga ana tjetër, Partia Demokratike ka shpenzuar 213,060,301 lekë, me shpenzime indirekte/dhurime që kapin shifrën e 270,000 lekëve. Të ardhurat totale të PD-së arrijnë në 227,150,137.755 lekë, me 44,818,545 lekë nga fondet publike dhe 9,921,118.755 lekë nga individë. PD po ashtu nuk ka raportuar për huatë apo kreditë.
Për PD-në, totali i shpenzimeve të papaguara/detyrime financiare është 13,819,837 lekë. Raporti evidenton gjithashtu se të dy partitë nuk kanë raportuar shpenzime nga kandidatët e listave.
Këto të dhëna ofrojnë një pasqyrë të qartë mbi ndarjen e fondeve dhe shpenzimeve për zgjedhjet nga dy partitë kryesore në vend.
