Zv.kryeministrja dhe Ministrja e Infrastrukturës dhe Energjisë, Belinda Balluku, ka publikuar pamjet nga projekti i rrugës së re Elbasan – Qafë Thanë. Ajo njoftoi se punimet janë në vazhdim dhe se në fazën II të projektit janë përfunduar 70% e punimeve. Balluku theksoi se rruga po merr formë përditë, me ritme të shpejta në ndërtimin e saj.
Sipas saj, ndënkalimi i hekurudhës dhe mbikalimi automobilistik janë ndërtuar tashmë, ndërsa 80% e trasesë së rrugës është hapur. Po ashtu, është përfunduar aplikimi i konglomeratit bituminoz dhe binderit në shtresat rrugore. Ky projekt pritet të ketë një ndikim pozitiv në infrastrukturën e transportit në zonën përkatëse, duke lehtësuar qarkullimin dhe duke përmirësuar lidhjet midis qyteteve.
