‘Allianz Stadium’ i Torinos është në garë për të pritur finalet e Europa League dhe Conference League për vitet 2028 dhe 2029. UEFA ka konfirmuar se 15 federata kanë shprehur interes për këto finale. Ndër qytetet e tjera kandidate për finalet e Europa League janë Parisi dhe Lyon, me Bukureshtin, Beogradin dhe Ankaranë gjithashtu në listën e mundshme për vitet 2028 dhe 2029.
Për sa i përket finaleve të Conference League, qytetet në garë përfshijnë Lille dhe Budapestin, si dhe Astana ose Almaty, Gdansk dhe Helsinki. ‘Allianz Stadium’ ka një histori të pasur në zhvillimin e këtyre ngjarjeve, duke pritur finalen e Europa League në 2014, gjysmëfinalen dhe ndeshjen për vendin e tretë në Nations League në 2021, dhe finale të Ligës së Kampioneve për femra në 2022.
Përsa i përket Ligës së Kampioneve, Gjermania ka shprehur interes për Allianz Arena të Bayernit të Mynihut për vitin 2028. Ndërkohë, Spanja dhe Anglia po konkurronin për Camp Nou dhe Wembley për vitin 2029. Komiteti Ekzekutiv i UEFA do të merr vendimin përfundimtar mbi stadiumet e finaleve për të tre kompeticionet në shtatorin e vitit të ardhshëm.
Ky proces ka ngjallur interes të madh në nivel ndërkombëtar, me shumë qytete që shprehin dëshirën për të pritur ngjarjet e rëndësishme sportive. Vendimet do të ndikojnë në kalendarin dhe zhvillimin e ngjarjeve të futbollit europian për vitet që vijnë.
