Lionel Messi do të rikthehet në Afrikë për një miqësore luksoze më 14 nëntor, ku do të udhëheqë Argjentinën në një përballje ndaj Angolës në kryeqytetin Luanda. Sipas Federatës Argjinase të Futbollit (AFA), “La Albiceleste” do të zhvillojë disa ditë stërvitje në Spanjë përpara udhëtimit në Angola, ku do të luajë ndeshjen e vetme për muajin nëntor. Pas kësaj sfide, ekipi do të kthehet në Europë për të vazhduar grumbullimin deri më 18 nëntor.
Ngjarja ka tërhequr vëmendjen për shifrën marramendëse që Angola do të paguajë për pjesëmarrjen e Messit, e cila parashikohet të arrijë deri në 10 milionë dollarë. Kjo ndeshje është pjesë e një projekti të gjerë nga qeveria dhe Federata e Futbollit të Angolës, me qëllimin për të promovuar turizmin dhe për të vendosur futbollin vendas në hartën botërore.
Reagimet në rrjetet sociale janë përziera. Disa qytetarë e shohin këtë ngjarje si historike dhe një mundësi unike për të parë Messin nga afër, ndërsa të tjerë e kritikojnë shpenzimin e madh në një vend që përballet me sfida ekonomike.
