Interi ka rikthyer veten te fitorja në kampionat pas humbjes ndaj Napolit, duke triumfuar 3-0 ndaj Fiorentinës në “San Siro”. Goli i parë erdhi në minutën e 66’ nga Hakan Calhanoglu, i cili zhbllokoi takimin. Vetëm pesë minuta më vonë, Susic dyfishoi shifrat. Dy minuta përpara fundit të ndeshjes, Calhanoglu realizoi sërish, kësaj here me një 11-metërsh.
Me këtë fitore, Interi ngjitet në vendin e tretë në renditjen e Serie A me 18 pikë, duke kaluar Milanin. Ndërsa Napoli dhe Roma ruajnë një distancë prej 3 pikësh nga zikaltrit.
Në përfundim, ndodhi dhe ndeshja tjetër Bologna-Torino, e cila përfundoi në barazim 0-0, ndërsa Genoa humbi 0-2 përballë Cremonese, e cila shënoi në minutat e para të dy pjesëve me Bonazzoli.
Kështu, renditja e Serie A vazhdon të jetë e ngjeshur, me Interin që ndihet më i fortë pas rikthimit te fitorja.
