Një aksident rrugor ndodhi në superstradën Lezhë–Shkodër, pranë një shkolle private, mëngjesin e sotëm. Ngjarja përfshiu një kamion dhe një automjet tip “Toyota”, duke rezultuar në lëndimin e një personi.
Sipas informacioneve paraprake, aksidenti bëri jehonë në një orar me qarkullim të dendur, pasi shumë prindër po dërgonin fëmijët në shkollë. Kjo situatë e bën segmentin rrugor veçanërisht të ngarkuar, me ndërprerje të shpeshta të trafikut për shkak të hyrje-daljeve nga rrugica e shkollës.
Forcat e policisë janë në vendngjarje dhe po punojnë për të sqaruar rrethanat e aksidentit, si dhe për të rikthyer normalitetin në qarkullim.
