Kjo e enjte shënon një moment të rëndësishëm për Luciano Spallettin, i cili do të zyrtarizohet si trajner i Juventusit. Njoftimi pritet të bëhet gjatë orëve të pasdites, kur Spalletti do të drejtojë seancën e tij të parë stërvitore. Ndërkohë, prezantimi zyrtar i tij si trajner i Zonjës së Vjetër është parashikuar për datën 31 tetor.
Spalletti do të nënshkruajë një kontratë që do të zgjatë deri në qershor 2026, me mundësi rinovimi automatik deri në 2027. Gjithashtu, ekziston mundësia e diskutimit për një rinovim të mëtejshëm deri në vitin 2028, por kjo varet nga arritjen e objektivave të vendosur, siç është kualifikimi i Juventusit në Ligën e Kampioneve për sezonin e ardhshëm.
Megjithatë, trajneri nuk arriti të jetë prezent në Allianz Stadium për ndeshjen mes Juventusit dhe Udineses, e cila u fitua nga skuadra torineze me rezultatin 3-1. Kjo e vonoi udhëtimin e tij drejt Torinos, që pritej të ndodhte këtë të enjte. Sipas burimeve, drejtuesit e klubit shpresojnë që Spalletti të jetë në pankinën e Juventusit për ndeshjen e së shtunës ndaj Cremoneses.
