Pas përfundimit të çdo raundi në Kategorinë Superiore, është bërë traditë që trajnerët e skuadrave kombëtare dhe atyre të moshave të përzgjedhin formacionin dhe trajnerin më të mirë të javës.
Për këtë raund, skema e preferuar është 3-4-3-2-1, me Mario Dajsinani të Egnatias në portë. Mbrojtësit e formacionit më të mirë janë Herald Marku (Flamurtari), Bruno Dita (Dinamo City) dhe Bruno Lulaj (AF Elbasani). Në mesfushë, janë përzgjedhur Lorenc Trashi (Flamurtari), Higor Vidal (Teuta), Fernando Medeiros (Egnatia) dhe Mohamed Sanogo (Bylis).
Reparti i sulmit përbëhet nga Alessandro Albanese (Egnatia) dhe Dejvi Bregu (Dinamo City), që mbështesin Blaise Tsague të Elbasanit.
Trajneri më i mirë i javës është Francesco Moreiro nga Flamurtari, i cili udhëhoqi skuadrën e tij drejt fitores së parë sezonale përballë Vllaznisë kryesuese.
