Një aksident rrugor në Mississippi, SHBA, shkaktoi shqetësim të madh për shkak të ngarkesës që transportonte një kamion. Mjeti kishte në bord një grup majmunësh laboratori, thuhet në një raport të The Guardian, të cilët dyshohet se ishin të sëmurë. Pas përplasjes me një makinë të vogël në një autostradë ndërshtetërore, kafshët arritën të shpërndahen në zonë.
Departamenti i policisë së qarkut Jasper shpalli detaje në Facebook, duke informuar se majmunët, që vinin nga Universiteti Tulane në New Orleans, ishin të infektuar me viruse të ndryshme, përfshirë hepatitin C dhe Covid-19. Në njoftim u theksua se majmunët peshojnë rreth 20 kg, janë agresivë ndaj njerëzve dhe kërkojnë kujdes të veçantë, duke paraqitur një rrezik potencial shëndetësor.
Zëdhënësi i Universitetit, Andrew Yawn, ka theksuar se këta majmunë, të përdorur për kërkime biomjekësore, ofrohen për organizata të tjera kërkimore dhe janë të sigurt. Ai deklaroi se universiteti po bashkëpunon me autoritetet lokale dhe do të dërgojë një ekip ekspertësh për ndihmën e nevojshme.
Policia lokale më vonë njoftoi se kanë eliminuar të gjithë majmunët me përjashtim të njërit që është ende në liri. “Ne po vazhdojmë kërkimin për majmunin e mbetur,” thanë zyrtarët. Ngjarja krijoi panik midis banorëve dhe autoriteteve, duke theksuar rëndësisë së procedurave të sigurise në transportin e kafshëve laboratorike.
