Eurodeputetja Arba Kokalari, e cila ka lindur në Shqipërinë e Diktaturës dhe u shpërngul në Suedi si fëmijë, ndan historinë e saj për Top Channel. Ajo ndodhet në Tiranë në kuadër të takimit të 20-të të Komitetit Parlamentar të Stabilizim-Asocimit Shqipëri–BE dhe i bën thirrje politikanëve shqiptarë të bashkëpunojnë në këtë moment të rëndësishëm për vendin.
Kokalari thekson se ka një mbështetje të gjerë nga vendet e tjera evropiane për anëtarësimin e Shqipërisë në Bashkimin Evropian. Sipas saj, edhe mazhoranca dhe opozita kanë dëshirë që Shqipëria të bëhet anëtare e BE-së, dhe bashkëpunimi mes tyre do të ishte i dobishëm në këtë proces. Ajo vë në pah se Shqipëria ndodhet në një “momentum historik” për anëtarësim, me të gjitha vendet e BE-së që e përkrahim këtë qëllim.
Eurodeputetja gjithashtu tregon për progresin e qenësishëm që Shqipëria ka arritur përmes reformave të realizuara. Ajo shprehet se, ndonëse ligjet dhe reformat e BE-së janë sfidues, Shqipëria ka avancuar shpejt dhe kjo e gëzon. Kokalari thekson se hapja e kapitujve të negociatave tregon se vendi po merr hapat e nevojshëm drejt integrimit evropian.
Në lidhje me polarizimin politik në Shqipëri, ajo thekson se procesi i anëtarësimit në BE nuk duhet të jetë një çështje politike, por një përmbushje e detyrimeve nga çdo shtet që aspiron të bëhet anëtar i Bashkimit. Kokalari e mbyll intervistën duke theksuar se ky është një moment kritik për vendin dhe angazhimi kolektiv do të rrisë mundësitë për një integrim të suksesshëm në BE.
