Luciano Spalletti është emëruar trajneri i ri i Juventusit. Ish-trajneri i kombëtares italiane ka pranuar ofertën e drejtuesve të klubit dhe do të fillojë zyrtarisht punën ditën e enjte. Qëllimi kryesor i tij do të jetë të përmirësojë lojën e skuadrës dhe ta dërgojë atë në zonën Champions.
Sipas raportimeve nga mediat italiane, Spalletti ka arritur një marrëveshje me Juventusin për një kontratë deri në qershor të 2026 me pagë 3 milionë euro. Kontrata do të rinovohet automatikisht dhe do të përmbajë një rritje të lehtë pagash për dy vite, nëse ekipi arrin kualifikimin në Champions.
Sfidat që e presin atë janë të mëdha. Plani i tij për Juventusin përfshin rikthimin në një formacion me katër mbrojtës dhe tri sulmues, duke përfshirë lojtarë si Yildiz, Conceiçao, Vlahovic dhe David. Një nga objektivat kryesorë të Spallettit do të jetë rregullimi i performancës së Koopmeiners, një investim i rëndësishëm i bërë vitin e kaluar, i cili ka pësuar një rënie të performancës.
Për të bindur Spallettin, Juventusit nuk iu desh shumë përpjekje. Atraksioni për të drejtuar një emër si Juventus e bëri të mundur përfundimin e negociatave shpejt. Megjithatë, gjatë asaj dite, Drejtori Teknik Modesto sugjeroi edhe kandidaturën e Pallafino, por biseda ishte thjesht formale, pasi kreu ekzekutiv i klubit kishte vendosur për Spallettin dhe ishte në pritje të miratimit të tij.
Spalletti vjen pas një periudhe zhgënjimi me kombëtaren italiane dhe tani pret me padurim të fillojë punën e tij në Juventus, i cili ndodhet në një fazë rindërtimi dhe ka nevojë për një drejtues të ri që të kthejë ekipin në rrugën e suksesit.
