UEFA ka ndëshkuar klubin shqiptar të Maqedonisë së Veriut, Shkëndija, për shfaqjen e banderolave të papërshtatshme gjatë ndeshjes së fundit në Conference League ndaj Shelbourne FC. Nën masa disiplinore, klubi është gjobitur me 20,000 euro dhe është dënuar me mbyllje të pjesshme të sektorit 11 për një ndeshje të ardhshme si vendas.
Masat e vendosura janë të pezullohen me kushtin që Shkëndija të mos përsërisë shkelje të ngjashme gjatë dy viteve të ardhshme. Në reagimin e saj, KF Shkëndija ka theksuar rëndësinë e respektit për rregullat e UEFA-s, si dhe angazhimin për të luftuar çdo formë diskriminimi. Klubi kërkon bashkëpunimin e tifozëve për të siguruar një ambient të sigurt dhe pozitiv në ndeshje, duke shmangur incidente të tilla në të ardhmen.
