TIRANË- Kreu i SPAK, Altin Dumani u pyet nga demokratja, Elda Hoti nëse SPAK ka nisur hetime për persona të lidhur me krimin e organizuar që marrin koncensione. Në përgjigje, Dumani tha se SPAK ka nisur procedime lidhur me këta persona dhe shtoi se trendi i ekstradimeve, për shqiptarë që arrestohen jashtë vendit, është në rritje nga të gjitha vendet e Europës.
Dumani: Detyra e SPAK është të regjistrojë procedim penale, të hetojë dhe të ngrejë akuza dhe nga ana jonë ky detyrim është i përmbushur, kemi masa sigurimi nga gjykata për grupe kriminale dhe prokuroria nuk i bënë gjë tjetër veçse të shpall masat e sigurimit dhe ti shpall në kërkim kur s’janë në Shqipëri.
o të shohësh trendin e ekstradimeve, ai është rritës nga të gjitha vendet e Europës po edhe nga Amerika Latine dhe nga Emiratet e Bashkuara. Në 2024 numri i ekstradimeve për persona që janë kapur jashtë Shqipërisë dhe më pas janë ekstraduar këtu janë në rritje. Kështu e rëndësishme është që ti vësh para përgjegjësisë penale sepse duhet që të vuajnë pasojat e paligjshmërisë që kanë kryer.
Kreu i SPAK u pyet gjithashtu nga Hoti edhe për dosjen Aruba, por Dumani u shpreh se nuk ka asnjë koment për këtë çështje.
Dumani: Nuk kam asnjë koment lidhur me këtë pyetje.
