Reshjet intensive të ditës së djeshme dhe natës kanë shkaktuar probleme në disa zona të Bashkisë Bulqizë, veçanërisht në njësinë administrative Fushë Bulqizë. Uji ka dalë nga shtrati i “Zallit të Thatë”, duke penguar qarkullimin në rrugën që lidh fshatrat Kokërdhak dhe Koçaj.
Sipas raportimeve nga banorët, bunë mëngjesin e sotëm, ata kanë mbetur të bllokuar për rreth tre orë për shkak të përmbytjes së rrugës nga prurjet e mëdha të ujit. Ndërhyrja e shpejtë e mjeteve të Bashkisë Bulqizë rezultoi e suksesshme, duke mundësuar pastrimin e rrugës dhe rikthimin e qarkullimit të automjeteve.
Banorët shprehen se ky problem është i zakonshëm pas reshjeve të dendura, pasi “Zalli i Thatë” del shpesh nga shtrati dhe shkakton përmbytje të njëjtë në të ardhmen. Ata kërkojnë nga Bashkia Bulqizë që të ndërhyjë për të rregulluar shtratin e lumit dhe për të parandaluar përsëritjen e këtyre situatave.
Autoritetet vendore kanë bërë të ditur se po monitorojnë situatën dhe janë në gatishmëri për të reaguar në rast se moti përkeqësohet. Kjo situatë tregon nevojën për një planifikim më të mirë për të përballuar efektet e kushteve të këqija meteorologjike në të ardhmen.
