Dy persona janë arrestuar gjatë një operacion policor të shtunën në mbrëmje, në kuadër të hetimeve për vjedhjen e bizhuterive që ndodhi një javë më parë në Muzeun e Luvrit në Paris. Sipas raportimeve nga mediat franceze, përfshirë Le Parisien, të arrestuarit dyshohet se janë pjesë e një bande prej katër anëtarësh që realizoi vjedhjen e bizhuterive nga Galeria Apollo, duke përdorur një ashensor mallrash.
Të dy burrat, të identifikuar si banorë të rajonit Seine-Saint-Denis, pranë Parisit, janë në proces të hetimit. Autoritetet po punojnë për të kapur anëtarët e tjerë të grupit dhe për të rikuperuar bizhuteritë e vjedhura. Hetimet janë në vazhdim, dhe policia është angazhuar për të zbardhur plotësisht ngjarjen që solli një goditje të rëndë për një nga muzeumet më të njohura në botë.
