Autoritetet britanike realizuan operacionin e parë për asgjësimin e një fabrike ilegale, e cila prodhonte ilaçe për humbje peshe në Mbretërinë e Bashkuar. Ky operacion në Northampton kulmoi me një nga sekuestrimet më të mëdha të këtyre medikamenteve ndonjëherë.
Gjatë kontrollit, policia sekuestruan mijëra gjilpëra boshe, të gatshme për mbushje me përbërës kimik, si edhe më shumë se 2000 ilaçe që ishin prodhuar pa licencë, të destinuara për klientë. U gjetën gjithashtu 20 mijë paund, të dyshuar si përfitime nga aktiviteti kriminal.
Andy Morling, kreu i njësisë së zbatimit të ligjit penal të MHRA, theksoi se këto produkte ishin të paautorizuara dhe potencialisht vdekjeprurëse. Ai u bëri thirrje konsumatorëve të jenë të kujdesshëm kur blejnë ilaçe në internet dhe t’i marrin ato vetëm nga farmacitë e regjistruara.
Sekretari i Shëndetësisë, Wes Streeting, e cilësoi këtë si një fitore në luftën kundër kriminelëve që rrezikojnë jetën e njerëzve. Vlera e sekuestrimit të këtyre medikamenteve arrinte deri në 250 mijë paund, duke theksuar seriozitetin e këtij krimi dhe nevojën për vazhdimin e kontrolleve më të rrepta ndaj aktiviteteve ilegale në tregun e ilaçeve.
