Humbja e Interit ndaj Napolit ka shkaktuar një valë polemikash brenda stafit zikaltër. Presidenti i Interit, Beppe Marotta, u shpreh se penalltia e akorduar për Napolin ishte kyçe për ndryshimin e ekuilibrave gjatë ndeshjes, edhe pse pranohet se Napoli e meritoi fitoren.
Marotta theksoi se arbitri fillimisht nuk kishte vendosur penallti, por vendimi u ndryshua pas sinjalizimit të gjyqtarit anësor. Ai kërkoi që kjo situatë të ishte trajtuar nga VAR-i, duke e cilësuar si një rast ku ndihmësi ndikuar te një vendim që nuk ishte i saktë, duke theksuar se “arbitri nuk mund të ndikohet nga një ndihmës që ndodhet 30 metra larg”.
Ai gjithashtu përmendi se ky episod ndikoi në gjendjen emocionale të lojtarëve, të cilët u ndjenë të tensionuar pas dhënies së penalltisë. Megjithatë, Marotta nënvizoi se Napoli mund ta kishte fituar edhe nëse ky episod nuk do të kishte ndodhur.
Polemikat e shkaktuara nga humbja në “Maradona” janë një reflektim i tensioneve të brendshme brenda ekipit dhe kritikave ndaj gjykimit, të cilat fatkeqësisht ndodhin shpesh në futbollin modern.
