Hansi Flick ka shndërruar Realin e Madridit në “makthin” e tij si trajner i Barcelonës, duke fituar të gjitha katër ndeshjet El Clasico që nga ardhja e tij sezonin e kaluar. Barcelona ka arritur një përformancë të jashtëzakonshme nën drejtimin e tij, duke shënuar 16 gola dhe duke pësuar vetëm 7 në këto përballje.
Flick synon të bëjë histori këtë të dielë në Santiago Bernabeu, ku do të përpiqet të sigurojë fitore të pestë radhazi ndaj Realit, duke barazuar rekordet e vendosura nga Pep Guardiola në periudhën 2008-2010. Gjatë asaj periudhe, Barcelona dominonte, me një seri fitore që përfshinte një triumf të paharrueshëm 6-2 në Bernabeu. Ky cikël suksesi u ndërpre në pranverë të 2011, kur të dy ekipet ndanë pikët në një ndeshje që përfundoi 1-1.
Edhe pse Flick nuk do të jetë në pankinë për ndeshjen e së dielës, ai dëshiron të vazhdoi serinë e tij të fitoreve për të lënë gjurmë në historinë e El Clasico. Nga ana tjetër, Reali i Madridit shquhet për një periudhë të suksesshme në El Clasico, me 7 fitore radhazi midis 1962 dhe 1965, kur trajner ishte Miguel Munoz. Kjo seri nisi me një fitore 3-1 dhe përfundoi në shkurt të 1965, me një rezultat 2-1, përfshirë edhe fitoren e njohur 5-1 në Camp Nou.
Ndeshja e ardhshme do të jetë një sfidë e madhe për të dy trajnerët, me Flick që kërkon të vendosë emrin e tij në historinë e rivalitetit më të njohur të futbollit, ndersa Reali do të përpiqet të rikthejë dominimin e tij.
