Pas ndeshjes së raundit të dytë të Ligës së Konferencës midis Manzirt dhe Zrinjskit, e cila u zhvillua në Gjermani, ka shpërthyer kaos. Incidenti ndodhi gjatë rikthimit të tifozëve të Zrinjskit nga ndeshja me tren.
Sipas raporteve të policisë gjermane, rreth orës 1:47 pas mesnate, një grup prej 50 hooliganësh të maskuar sulmuan mbështetësit e klubit të Mostarit. Tifozët e Zrinjskit, rreth 150 në numër, ishin në udhëtim nga Mainzi drejt Frankfurtit kur sulmi ndodhi në stacionin Niederau. Pjesëmarrësit në ngjarje u përballën në një përleshje që, sipas mediave, zgjati disa minuta para se agresorët të largoheshin.
Ende nuk është e qartë nëse sulmuesit ishin tifozë të Eintracht Frankfurt, të njohur për reputacionin e tyre si një nga grupet më të rrezikshme të tifozëve në Gjermani. Pas ngjarjes, policia filloi një hetim për të sqaruar rrethanat e incidentit.
Kur forcat e zakonshme të rendit arritën në vendngjarje, ato gjetën vetëm tifozë të Zrinjskit në tren. Këta të fundit u shoqëruan për në stacionin kryesor të trenit në Frankfurt, ku vazhduan të mbroheshin nga policia. Ky incident ka theksuar tensionet që shpesh shoqërojnë ndeshjet e futbollit, veçanërisht kur janë të përfshirë grupet e tifozëve me histori të dhunshme.
