Një tragjedi ka ndodhur mbrëmjen e së mërkurës në brigjet e Bodrumit, në jugperëndim të Turqisë, ku një varkë e cila transportonte emigrantë ka përmbytur, duke shkaktuar 14 viktima deri tani.
Roja Bregdetare Turke ka nisur menjëherë një operacion kërkim-shpëtimi pas një telefonate të një emigranti afgan, i cili kishte arritur të shpëtonte në një zonë shkëmbore dhe kërkonte ndihmë. Sipas raportimeve, varka e cila kishte rreth 18 persona u fundos vetëm dhjetë minuta pas nisjes.
Deri më tani, janë gjetur trupat e 14 viktimave, ndërsa dy persona kanë arritur të mbijetojnë. Operacioni për gjetjen e dy personave të tjerë që konsiderohen të zhdukur vazhdon me përfshirjen e katër anijeve të Rojës Bregdetare dhe një helikopteri.
Kjo ngjarje thekson rrezikun për emigrantët dhe sfidat që përballen ata në përpjekjet e tyre për të arritur në vende më të sigurta.
